泰國手信

泰國好耐未去過。。。。 期待中，但其實冇預計幾時會去！

朋友每次出遊都會問：有咩想要？ 
每次回答：濕淋淋，黏糊糊似拖鞋既"魷魚片"

有d 朋友永冇揾到。。。。
但有位朋友每次都辦妥，而且次次都係呢款packing。我心諗佢當然唔會行街市d "平民"地方，所以就帶回"名貴"款式！

今次，更加收到多一包"木粒"......... 原來"椰子糖"是也！

咩椰子糖唔係綠色三角型？ 

泰國手信變化真大!!!!!!!

笑料一則

轉眼間， 我的寶貝16歲生日快到！

Sweet Sixteen! 今年第一份生日禮物由某位Auntie 送出的。。。。。Segway!

由它引出一則"笑料"
Boss定下的家規，如被他見到"冇著拖鞋"即時罰款$10!
王子已經不定時被罰。
當佢收到禮物後，佢竟然同我講：依家我行去邊都會用segway, 咁就唔怕俾人捉到我唔著拖鞋！

吹脹！！！！！

那些年的舊感覺

自從"鴉烏"blog執笠後，雖然轉咗會，但唔知點解"提不起勁"去寫blog.

呢幾日，不停地"湧"出文采，突然好想寫吓嘢。

終於，登入。。。。。寫番幾隻字先！

好想揾番以前追&寫blog既日子，但依家好多人既出品都好"作狀", "晒命"...........
同之前既完全唔同，印象中，"那些年我們寫blog既日子"大部份都係分享or遊記,感覺好真，好Pure.

好想好想揾番"那些年"!

感動

無聊既下午，又懶唔想郁，咪諗住飲杯Coffee, Hea 吓！ 
咁啱電視訪問"張慧儀",  未結婚既佢領養咗位有病既小朋友， 無私地照顧 & 教導，給予他最好既醫療。
其實'她' 既行為已令人拍手。 
最令我感動，她說： "兒子要做大手術， 但如果那天他真的要回天家，那只代表小天使回家了。 '她'會當作自己既壞習慣已經改好了， 天使無需陪伴提醒自己了！" 

"那天不一定要哭哭啼啼地過日， 會再到社區再做義工再照顧小朋友， 這也時懷念兒子既方法。"

主持人送上一句： 祝你的壞習慣永遠改不完！ 

太感動！  

聖誕Party 2013

24/12/2013 平安夜

一如過住幾年， 大家齊集我家開聖誕Party!
聖誕Party年年有， 今年食物特別多！ 
外賣壽司&魚生已經好震撼，再加每人預先認咗頭位位5大隻既生蠔。

自家廚房再大製作： 
跟據大師父口述，我膽粗粗第一次試整既燒牛肉，
最後製成品雖然熟咗D,不過竟然成為第一個被KO晒既食物，速度更驚為天人。

另一個自家製作： 釀法鴨
法國嚟既鴨，原來比春雞大少少。大家因此為'它'命名。。。。。法國春鴨。

集合食肉獸大派對，出多碟煎羊架

四家人，合共5條Kings,3位更是十幾歲既"暴食期",多多肉都填佢地唔滿。
再嚟：香腸 拼 薯蓉

勁食大賽，還有一大盆炒烏冬

雖然白酒已經唔夠飲，但都要開支煮"白酒蜆"

沙律，三文魚頭湯，甜品：燉蛋，都冇影相。

最後，食埋陳豪cheese cake

我地食飽飽，玩咗幾個集體遊戲， 當中有刺激，有無聊，有搞笑，有做馬。。。。。。

最後，當然係"交換禮物",今年送出： 

今日出Blog先記得影相，當中已經有d禮物俾人用咗，著咗，洗咗，最後只得部份。

今年收到：

大家開心到爆， 明年再嚟High過！

生日飯局2013

今年慶生飯局其中有一餐光顧

Lucques tavern!  

位置於海運大厦，前身係Dan Ryan, 依家改咗名，但原來都屬於Dan記集團。

Weekday,唔多人， 老實講唔訂位walkin 都應該冇阻滯。
我地今晚全程order 2人 set dinner, 一行5人先嚟兩sets,  點知。。。。。。最後埋單食咗3sets.  


Appetizer 我地揀咗生蠔， 每set有4隻。雖然細隻，但都鮮味，好fresh! 

豬扒 + Grill拼盆 + pasta (2set份量) 
個龍蝦意粉超好味，我地食完再叫。  

亦因為"齋"order 一碟意粉唔抵，我地決定再叫多一個兩人餐。 

今set就揀牛排 + 龍蝦意粉

甜品兩款都叫晒，蘋果批 & cheese cake

食物水準唔錯， 最有驚喜當然係"龍蝦意粉",
餐廳環境都唔錯， 最啱'吹水唔停'既飯局， 因為唔太多人，唔怕嘈到人。 話晒都高級餐廳，所以唔會趕人走。

快樂

快樂。。。。。。是一種感覺！
與朋友相聚，吃喝玩樂，我感覺到快樂！

快樂。。。。。。是一股祝福！
各人送上，一句句："生日快樂！".
令我被這祝福包圍著，謝謝！

王子生日

我家既王子又大一歲啦！ 

進入青春期既年青人會有自己一套"獨特"見解，喜好。
所以，今年就出現咗一個令人"睇唔明"又有D 恐怖既生日蛋糕。

就等我呢位亞四解俾大家知：
王子喜愛既運動"Ice Hockey".
Ice Hockey 用既波，叫 puck

Hockey stick

睇完正常既獨立圖片後，大家應該明白蛋糕上面既圖案是什麼。 

蛋糕咩圖案都唔係最重要， 最緊要 "王子，生日快樂！ 健康開心！

甜品大作戰

剛過既weekend, 一口氣收到兩大名牌甜品，超興奮又開心！ 

頭砲： Laduree 

本身對'馬卡龍'興趣不大，但名牌當然要一試。
個人感覺： 甜，甜，甜。 



第二浪： Cheesess 

                            中秋特別籃 6+1

一籃六個味，當中有部份平日沒有，再加一個New York cheese cake. 每個味道少少既一杯，放於矽膠小花盆，再配上小小既叉& 鏟。

Overall 味道唔錯， 當中Lychee 帶嚟超驚喜，全屋人一至認為'最好味'. 

新作風，手機寫

試新嘢！用手機寫。 寫咩。。。。。。。

閒話家常，講吓亞仔，佢今年有一個個人記錄要破。。。。。。。


勁食"飛甩老土"既冰皮月餅。今年早咗有月餅買，佢已經喺8月尾開始叫我入貨， 
直到今日唯止，佢已經開始KO 第三盒啦！睇嚟都應該要再。。。。

剛剛食完Lunch行過見到又話食一盒榴槤冰皮，Oh My God!

P.S. 手機寫又真係幾方便！